Hér má sjá eina gullfallega en pínulitla íbúð sem dregur þig alveg inn til sín… veggir, loft og gólf eru öll máluð í fallegum gráum lit sem smækkar rýmið jafnvel enn meira en gerir það á sama tíma svo ofsalega hlýlegt og notalegt. Þessi íbúð er þó ekki nema 25 fermetrar og er sófinn notaður sem rúm á kvöldin svo þarna býr augljóslega bara ein manneskja, en mikið fer nú vel um hana. Þetta er í raun drauma stúdentaíbúðin ekki satt? Þarna hefði ég mögulega gefið eitt nýra fyrir að búa á námsárum mínum í Hollandi, nei ég segi bara svona.
Þetta pínulitla eldhús er algjört æði og það kemur vel út að mála hillurnar í sama lit og vegginn. Þessi uppröðun á íbúðinni er reyndar alveg sú sama og frænka mín býr í á Hrafnistu, nema enn meira lagt í þessa hér.
Þessar fínu hillur eru frá House Doctor.
Myndir : Stadshem,
Æðisleg íbúð og æðislegur stíll, svo sjarmerandi svona íbúðir þar sem hlutirnir eru gamlir í bland við nýja, það gefur heimilum svo mikla sál.
